O Punto de Atención Infantil de Sandiás celebrou o Día das Letras Galegas cunha xornada educativa e cultural dirixida a nenos e nenas de entre 0 e 2 anos e ás súas familias.
A actividade principal consistiu no concerto «O Son do Ar», un recital de violín e violonchelo deseñado como unha experiencia sensorial. Durante a actuación, os pequenos puideron observar de cerca os instrumentos e ter a oportunidade de tocálos, fomentando a curiosidade e a proximidade coa música.
Complementando a parte musical, realizouse un obradoiro artístico onde os nenos pintaron violíns de forma libre para promover a creatividade. A xornada contou coa colaboración de Pili e Marosi, integrantes da Orquestina Antela, e conseguiu unir a música, o arte e a cultura galega nun ambiente de aprendizaxe para a comunidade educativa.
