O subdelegado do Goberno en Ourense, Eladio Santos, supervisou o desenvolvemento do proxecto científico Galifire, unha iniciativa do CSIC (a través da Misión Biológica de Galicia) para estudar o impacto dos incendios forestais de 2025 nas comunidades de aves e na saúde dos ecosistemas.
O equipo de Ecoxía do Paisaxe está instalando dispositivos de bioacústica na comarca de Verín para rexistrar a presenza e actividade de distintas especies. Este traballo permite analizar se a biodiversidade se está a recuperar tras o paso do fogo e forma parte do Plan Estatal «RESFIRE», que tamén realiza seguimentos no Parque Natural da Baixa Limia-Serra do Xurés e na Serra do Courel.
O programa, que se estenderá ata finais de xuño, destaca polo seu carácter de ciencia cidadá, buscando a colaboración da sociedade civil e de colectivos ornitolóxicos para ampliar a toma de mostras nas zonas queimadas da provincia.
O obxectivo final deste estudo é obter datos precisos mediante estaciones de escoita que axuden a comprender o impacto dos grandes incendios e sirvan para guiar futuras estratexias de conservación ambiental e protección do patrimonio natural ante os riscos derivados do cambio climático.
