Visita do IES Cidade de Antioquía ao Centro de Interpretación da Lagoa de Antela

Vinte alumnos e alumnas do Ciclo Superior de Foresta e Medio Natural do IES Cidade de Antioquía (Xinzo de Limia), acompañados pola súa profesora Alba, realizaron o pasado mércoles 15 de abril unha visita formativa ao Centro de Interpretación da Lagoa de Antela. A xornada, guiada por Pepe Gándara, coordinador do centro, tivo como obxectivo analizar a evolución paisaxística e ecoloxica do humidal.

Contexto histórico e transformación do territorio

A visita iniciouse con referencias á cultura local, destacando a lenda da Cidade de Antioquía asolagada e a historia do “Marco das Antas de Couso de Limia”. Mediante o uso de recursos audiovisuais, cartografía e imaxes históricas, os estudantes estudaron:

• A transformación da paisaxe: Os procesos xeolóxicos de formación da conca da Limia e a posterior desecación da lagoa durante o franquismo.
• Xestión do territorio: O impacto da concentración parcelaria impulsada polo Instituto Nacional de Reforma e Desenvolvemento Agrario (Iryda) e a Xunta de Galicia.
• Xeografía e solos: A análise da toponimia local e as características dos solos areosos da zona, que aceleran a hidráulica e aumentan a vulnerabilidade á contaminación.

Biodiversidade e proxectos de restauración

O grupo analizou diversas especies de fauna e flora endémicas e coñeceu proxectos concretos de recuperación medioambiental, entre os que destacan:

• Espazos recuperados: O Humidal Antonio Vilariño (Veiga de Vilaseca), a Veiga de Gomareite e as pozas dos Arieiros e Conícoras.
• Iniciativas científicas e ecolóxicas: O proxecto “in-visible pollut” (desenvolvido por diversas organizacións e a USC) para detectar pesticidas e mercurio nas plumas das cegoñas, o programa Life Rexenera Limia para a rehabilitación de areeiras e a Senda das Cegoñas.

Debido ao tempo limitado, a visita non puido incluír o recorrido polas areeiras do concello de Sandiás nin o estudo detallado do pobo dos Limicos, quedando estes puntos pendentes para futuras xornadas.

Saber máis · Descubre A Limia Sandiás 1.086 habitantes · 3 parroquias Coñecer o concello →