Estudiantes de Arquitectura do centro universitario Cesuga presentaron as súas propostas para o deseño do novo auditorio municipal de Xinzo de Limia. Cinco grupos de alumnos expuxeron as súas ideas e maquetas no salón de plenos do Concello, ao abeiro dun convenio de colaboración entre ambas institucións.
As propostas, que inclúen maquetas, infografías e lonas expositivas, atópanse xa expostas na Casa da Cultura de Xinzo. A mostra, aberta ao público durante todo o mes de abril, permite aos veciños coñecer e avaliar cada opción deseñada.
Esta colaboración entre Cesuga e o Concello de Xinzo non se limita ao auditorio, senón que se estende a outros dous proxectos: a renovación da marca e identidade visual do Concello e a revitalización do Mosteiro de Trandeiras.
O alcalde de Xinzo, Amador Díaz, xa puido observar os deseños creados polos estudantes, que tamén poderán ser visitados polos cidadáns durante o mes de abril.
Fonte: www.lavozdegalicia.es
