Xoves, 19 de novembro Xinzo 9° Garda: MARIA SOLEDAD RODRIGUEZ GARRIDO
Dende A Limia

Manuel Pardo incide na prevención do consumo de alcohol e de bebidas enerxéticas nos centros escolares da provincia de Ourense

2 min de lectura

Fonte
Dende A Limia
Publicada
9 abr.
Ver a noticia orixinal

O delegado territorial da Xunta, Manuel Pardo, xunto co alcalde de Ribadavia, César Fernández, visitou o CEIP Ribadavia para presentar o programa de prevención do consumo de alcohol e bebidas enerxéticas ‘Apuntámonos a non beber’.

Este programa está dirixido a alumnos de entre 11 e 14 anos, idades nas que se detectan os primeiros contactos con estas substancias. Forma parte do ‘Plan Proxecta+’, unha iniciativa da Consellería de Educación, Ciencia, Universidades e Formación Profesional.

Os centros escolares que implementen o programa fomentarán que cada aula elabore unha campaña de contrapublicidade en formato audiovisual, cartel ou slogan, ademais de participar en charlas e intervencións impartidas por profesionais sanitarios.

Estas sesións abordarán temas como a definición de adición, as consecuencias do consumo de alcohol na saúde, os riscos, as recomendacións da OMS, o problema social, a lexislación galega vixente, os mitos e o papel das familias na promoción de hábitos saudables.

O persoal docente terá un papel fundamental no desenvolvemento do programa, implicándose nas intervencións co alumnado e as familias. O programa deseñouse como un proxecto interdisciplinar e tema transversal dentro do Proxecto Educativo do Centro, integrado na Educación para a Saúde durante todo o curso.

As actividades desenvólvense en dúas fases (de novembro a xaneiro e de febreiro a maio) e son implementadas por persoal técnico da Consellería de Sanidade. Realizaranse cuestionarios e enquisas ao alumnado, familias e profesorado para unha avaliación global.

O programa xa se desenvolveu en varios centros educativos de Ourense e tamén se programaron intervencións en CPR Luis Vives e CPI José García García de Ourense.

O ‘Plan Proxecta+’ busca fomentar a innovación educativa nos centros, o desenvolvemento de competencias clave, elementos transversais e os obxectivos de desenvolvemento sostible da Axenda 2030.

PNFPB Install PWA using share icon

For IOS and IPAD browsers, Install PWA using add to home screen in ios safari browser or add to dock option in macos safari browser