Novas restricións de tráfico na N-525 en Xinzo de Limia por obras de mellora
Xinzo de Limia. A travesía da N-525 ao seu paso por Xinzo de Limia rexistrou dende esta semana importantes cambios na circulación debido a unha nova fase das obras de mellora que se están a realizar. Estas actuacións, cun orzamento de 4,16 millóns de euros financiados polo Ministerio de Transportes e Movilidad Sustentable con fondos europeos, prolongaranse previsiblemente durante catro semanas. Os traballos concéntranse entre os quilómetros 197 e 200 da estrada nacional.
Os desvíos e cortes de carriles afectan a catro tramos da travesía. Entre a glorieta de acceso á A-52 (km 199,6) e a rotonda do inicio da obra (km 200), os carriles córtanse de forma alternativa e regúlanse con semáforos. O tráfico en sentido Madrid desvíaselle puntualmente pola OU-531, mentres que o carril en sentido Ourense manténse habilitado pola N-525.
No segundo tramo, comprendido entre a glorieta de acceso á A-52 e a situada no quilómetro 198,6, prodúcese o corte do carril esquerdo en sentido Madrid. O tráfico desvíase pola Travesía da Moreira e tamén pola OU-531, que nesta zona ten circulación en sentido único.
Para optimizar a fluidez do tráfico, as autoridades recomendan que os desprazamentos de medio e longo percorrido utilicen os enlaces da A-52 situados nos quilómetros 188 e 193.
