Luns, 16 de novembro Xinzo 15° Garda: MARIA SOLEDAD RODRIGUEZ GARRIDO
Dende A Limia

​Xinzo de Limia destaca como protagonista na presentación da V edición de O Gran Camiño

2 min de lectura

Fonte
Dende A Limia
Concello
Xinzo de Limia
Publicada
8 feb.
Ver a noticia orixinal

Xinzo de Limia será o punto de partida da quinta edición de O Gran Camiño, unha proba ciclista de relevancia internacional. A presentación oficial tivo lugar en Padrón, onde se confirmou que a vila limiá albergará a que se prevé como a “etapa raíña” desta competición.

O alcalde de Xinzo, Amador Díaz Penín, acompañado polos concelleiros de Cultura e Turismo, Carlos Gómez Salgado, e de Deportes, Cristina Campero, acudiron ao evento para manifestar o compromiso do goberno local coa promoción territorial a través de grandes citas deportivas.

Tamén estiveron presentes o conselleiro de Presidencia, Diego Calvo; o secretario xeral para o Deporte, Roberto García; e o vicepresidente da Deputación de Ourense, César Fernández, quen destacaron a consolidación da carreira ao percorrer as catro provincias galegas.

A etapa raíña, que se celebrará o 17 de abril, enlazará Xinzo de Limia con Xunqueira de Espadanedo. Trátase dun percorrido de 155,5 quilómetros con 3.103 metros de desnivel acumulado. O trazado incluirá o paso por Allariz, Celanova, Ourense e Maceda, culminando cun esixente final con ascensos ao Alto do Rodicio e un dobre paso polo Alto de Meda, onde estará situada a meta. A saída desde Xinzo preséntase como un momento clave para a clasificación xeral da proba.

Saber máis · Descubre A Limia Xinzo de Limia 9.699 habitantes · 20 parroquias Coñecer o concello →
PNFPB Install PWA using share icon

For IOS and IPAD browsers, Install PWA using add to home screen in ios safari browser or add to dock option in macos safari browser