O Concello de Xinzo reformará o centro social de Moreiras

O Concello de Xinzo de Limia adxudicou por 15.850 euros a reforma integral do centro social de Moreiras, financiada con fondos municipais. As obras, que comezarán en breve, inclúen reparación, pintado, colocación de plaqueta e arranxo do tellado.

O obxectivo é converter o inmoble nun espazo habitable para o encontro veciñal. O alcalde, Amador Díaz, destacou a importancia de dotar aos núcleos rurais de centros sociais en condicións.

Data: 04 de decembro de 2025