Xinzo de Limia acondicionará o centro social de Moreiras

O Concello de Xinzo de Limia adxudicou as obras de acondicionamento integral do centro social de Moreiras, co obxectivo de recuperalo para o uso dos veciños.

O proxecto, financiado con 15.850 euros de fondos propios, inclúe a reparación e pintado, a colocación de novas plaquetas e actuacións no tellado.

O alcalde, Amador Díaz, salientou a importancia destes centros sociais como puntos de encontro e cohesión social, claves para fixar poboación.

As obras comezarán nos próximos días e enmárcanse na estratexia municipal “Xinzo Paso a Paso” para mellorar as infraestruturas.