Xinzo de Limia estreita lazos culturais con Tungurahua (Ecuador) a través do Entroido

O alcalde de Xinzo de Limia, Amador Díaz, recibiu unha delegación de artesáns de Tungurahua (Ecuador), liderada polo mestre GusArte. A delegación doou unha máscara tradicional do “Diablo de Píllaro” ao Museo Galego do Entroido (MUGAE).

A visita buscaba establecer un diálogo entre o Entroido local e a Diablada ecuatoriana. Amador Díaz destacou a importancia deste vínculo para a proxección cultural de Xinzo.

A delegación ecuatoriana visitou o obradoiro Arte Arrebol, onde coñeceu a artesanía da Pantalla, e a Escola Municipal de Gaitas e Percusión. A visita dá continuidade ao vínculo iniciado tralo viaxe do alcalde a Tungurahua en 2024, e servirá de base para futuras colaboracións.

O concelleiro de Cultura, Carlos Gómez, resaltou a importancia de consolidar esta relación para o desenvolvemento de Xinzo.