Un home de 37 anos faleceu nun accidente de quad en Sarreaus (Ourense). O sinistro ocorreu na estrada de Freande, preto da piscina municipal, pasadas as once da noite do venres. O quad, un Suzuki LT400, saíuse da vía e chocou contra un poste.
O condutor faleceu no lugar do accidente. A súa acompañante, tamén de 37 anos, resultou ferida de gravidade e foi trasladada ao CHUO, onde permanece en estado crítico. Ningún dos dous ocupantes levaba casco.
A Garda Civil investiga as causas do accidente. No operativo participaron Urxencias Sanitarias de Galicia-061, a Garda Civil de Tráfico e o GES de Laza.
