Novo incendio en Rebordechao, Vilar de Barrio

Un incendio declarouse o domingo na parroquia de Rebordechao, en Vilar de Barrio, cun perímetro inicial de 20 hectáreas segundo Medio Rural.

Na zona traballan 1 técnico, 5 axentes forestais, 17 brigadas, 7 motobombas, 1 pala e 12 medios aéreos.

O alcalde, Manuel Conde, indicou que o incendio se localiza na serra de San Mamede, afectando a colmeas e un souto de castiñeiros. Existe preocupación pola proximidade da época de sega do trigo na Limia.

Non foi necesario evacuar ningún núcleo de poboación.

Por outra banda, Medio Rural informou da extinción do incendio na parroquia do Couto, A Cañiza, con 295 hectáreas queimadas.