Ópticas Prieto gaña o Torneo de Fútbol Sala de Xinzo nos penaltis
O equipo Ópticas Prieto proclamouse campión do Torneo de Fútbol Sala de Xinzo tras vencer ao Amigos do Boia na quenda de penaltis despois de empatar 1-1 na final. Previamente, Ópticas Prieto tamén gañara ao Luáns nas semifinais mediante penaltis.
Na final de consolación, Luáns e Rotonda empataron 2-2 e decidiron repartir o premio despois dunha longa quenda de penaltis (8-8).
Na final local, o equipo Xuvenís de primeiro ano impúxose ao Is Woman por 7-3.
O torneo, organizado polo Antela F.C. coa colaboración do Concello de Xinzo de Limia, tivo lugar no Pavillón de Deportes de Xinzo e incluíu ademais unha competición sub’16.
Fonte: antela.fala.gal
