A Xunta realiza obras de rehabilitación nos camiños de Santiago en Ponte Taboada e Rodeiro

A Xunta de Galicia, a través da Axencia de Turismo de Galicia, está a executar obras de mellora e acondicionamento no Camiño de Inverno e no Camiño do Sudeste-Vía da Prata-Camiño Mozárabe.

Actualmente, estanse a realizar obras de rehabilitación na contorna de Ponte Taboada, en Silleda, e reparación de accesos e pasos superiores sobre o río Arnego, en Rodeiro. O investimento nestas actuacións supera os 84.000 euros.

Ademais, a Xunta investirá 117.405 euros na redacción dos proxectos de trazado e construción de tramos comúns no Camiño de Inverno e ten previsto comezar no outono obras de mellora viaria nos cruces coas estradas autonómicas, municipais e provinciais do Camiño de Inverno por un importe de 489.599,88 euros. A empresa Extraco, Construcciones y Proyectos é a encargada de realizar estes traballos.

Tamén está prevista a mellora de infraestruturas na Vía da Prata, con actuacións en Mandrás (111.488,35 euros) e en Xinzo de Limia e Allariz (194.459,49 euros), a cargo da empresa Explotaciones Medioambientais SLU. Estes traballos comezarán a finais do verán.

A empresa Proyectos y Estudios Técnicos de Galicia foi adxudicataria provisionalmente do servizo de redacción do proxecto de trazado e construcións dos trechos comúns do Camino do Sudeste-Vía da Prata-Camiño Mozárabe por un importe de 232.204 euros.