Muller de 80 anos falece atropelada en Sabucedo (Porqueira, Ourense)

Unha muller duns 80 anos morreu este venres tras ser atropelada na localidade de Sabucedo, no concello de Porqueira (Ourense), na zona do Toxal. O suceso ocorreu pasadas as 11:40 horas.

Malia a intervención do helicóptero medicalizado e os esforzos dos servizos sanitarios, a muller faleceu no lugar.

No operativo participaron, ademais do 061, a Garda Civil de Tráfico, o GES de Muíños e Protección Civil de Porqueira.