Xinzo acolle o I Torneo de Fútbol Sala organizado polo Antela F.C. e o Concello

A Concellería de Deportes de Xinzo de Limia colabora co Antela Fútbol Club na organización do primeiro Torneo de Fútbol Sala de Xinzo, que se celebrará no Pavillón de Deportes de Xinzo entre o venres 25 e o domingo 27.

Haberá dúas categorías: sénior (12 equipos, con 2.050€ en premios) e xuvenil (6 equipos). Participarán equipos da Limia, Verín, Ourense, Portugal e Vigo.

Cristina Campero (Concelleira de Deportes) e Pablo Losada (Presidente do Antela F.C.) presentaron o evento, que servirá como arranque da tempada 2025-26 para o Antela.

Ademais, están a organizar un torneo de fútbol-11 xuvenil na Moreira a finais de agosto.