Mulleres da contorna de Baronzás únense contra a violencia de xénero

Un grupo de mulleres de diversas localidades (Pidre, Boado, San Pedro, Laroá, Lamas, Perrelos, Calvos, A Boullosa, entre outras) reuníronse en Baronzás para conmemorar o 25 de Novembro, Día Internacional da Eliminación da Violencia contra as Mulleres.

Este grupo, organizado de forma autónoma, busca fortalecer a rede de apoio mutuo e o acompañamento entre mulleres.

Durante a xornada, as participantes analizaron avances, identificaron necesidades e crearon lazos, valorando a experiencia positivamente. Reivindicaron a importancia da prevención, sancións acordes aos delitos para os maltratadores, recursos reais e unha sociedade sensibilizada co problema.