O Concello de Os Blancos intégrase no proxecto «Ourense Padrón On-Line», impulsado pola Deputación de Ourense e financiado polos fondos Next Generation EU. Este novo sistema permitirá unha xestión máis eficiente e áxil dos datos padronais en tempo real.
A iniciativa facilitará o intercambio de información con outros concellos da provincia e co INE, mellorando a precisión e coordinación dos datos. O proxecto pretende estenderse a todos os municipios da provincia antes do 30 de setembro.
