Resumo da Entrada

O sector primario e a comunidade agrogandeira reuniranse o 26 de marzo en Xinzo para celebrar os Premios Semente, que buscan premiar a innovación, sustentabilidade, tradición e o impacto social de iniciativas galegas relacionadas co trigo e a pataca. O alcalde de Xinzo, Amador Díaz, explicou que os premios nacen para recoñecer o traballo de agricultores e empresas que destacan na investigación, proxectos de traxectoria e gastronomía. Os premios abarcan toda Galicia e contan con 10 categorías, ademais dun Premio Especial Semente 2025 outorgado polo Concello de Xinzo. O xurado está composto por colaboradores como universidades, sindicatos, IXPs, Inorde e o Concello. Os premios están dirixidos a produtores, elaboradores e empresas galegas.

Premios Semente 2025 en Xinzo: Recoñecemento ao Sector Primario Galego

O sector primario e a comunidade agrogandeira, reuniranse o mércores 26 de marzo en Xinzo, para celebrar os Premios Semente.

Con eles pretendese premiar a innovación, sustentabilidade, tradición e o impacto social das distintas iniciativas levadas a cabo a nivel galego.

Esta maña Dendealimia reuniuse con Amador Díaz, alcalde de Xinzo, para que nos contara un pouco mais sobre estes premios e que deu orixe a esta celebración.

Como nace o Premio Semente?

O Premio Semente nace ca idea de recoñecer o traballo dos agricultores, e das empresas galegas que están facendo unha labor encomiable. Ben sexa en investigación, ben sexa en proxectos de traxectoria, ben sexa gastronómicamente.

O que pretendemos é que dous cultivos, que ao igual que moitos teñen premios, como ten o viño, como ten calquera denominación, como ten calquera IXP, que non tiñan un recoñecemento. A idea é que poñer en valor ese traballo que están facendo, tanto os produtores, coma proxectos de investigación, ou proxectos que foron levados adiante a base de, pois neste caso, dous cultivos que están abandonados a nivel galego.

Os premios abarcan toda a xeografía galega, na cal se leven a cabo traballos relacionados co trigo e a pataca. Haberá 10 categorías premiadas:

Excelencia Innovadora (empresas ou profesionais que destaquen pola súa capacidade de innovación no ámbito do cultivo de cereais e patacas.)
Traxectoria Empresarial (empresas con traxectoria e logros destacados no sector.)
Muller Rural (profesionais ou empresas do sector da pataca e cereal lideradas por mulleres.)
Compromiso Ambiental (profesionais ou empresas que destaquen pola súa responsabilidade co medio ambiente e polas súas boas prácticas ambientais.)
Produto Local do Ano (profesionais ou empresas que conseguiron lanzar ao mercado un produto novo e orixinal elaborado a base de patacas ou cereais.)
Investigación Agraria (profesionais ou empresas cuxo traballo destaca pola súa investigación na mellora dos procesos agrícolas da pataca e dos cereais.)
Proxecto Gastronómico (cociñeiros, restaurantes ou iniciativas culinarias que destaquen polo seu uso creativo, sostible e comprometido da pataca e dos cereais.)
Repercusión Local (empresas ou profesionais cun alto nivel de recoñecemento local como xeradores de emprego.)
Divulgación de Valores Rurais (empresas ou profesionais de calquera sector comprometidos coa difusión e concienciación dos valores do rural.)
Xove Emerxente (profesionais menores de 30 anos cuxa actividade no sector agrícola da pataca e dos cereais mereza un recoñecemento.)
Premio Especial Semente 2025 (que o otorga o organizador, o Concello de Xinzo)

Como todos os premios precisan un xurado, neste caso nos Premios Semente, estará composto por todos os colaboradores, tales como as universidades, sindicatos, IXPs, Inorde e o Concello.

Estes premios non so van dirixidos aos produtores, senón tamén aos elaboradores, empresas , proxectos. A materia prima ten que ser de Galicia, falase dun produto galego.

Para máis información: https://www.premiosemente.com/