Visita ao Obradoiro de Emprego Couto Mixto III en Baltar

Manuel Pardo, delegado territorial da Xunta en Ourense, visitou esta mañá o concello de Baltar para supervisar o Obradoiro de Emprego Couto Mixto III. Acompañárono o alcalde de Baltar, José Antonio Feijóo; o alcalde dos Blancos, José Manuel Castro; e o alcalde de Calvos de Randín, Aquilino Valencia.

A Consellería de Emprego, Comercio e Emigración inviste preto de 412.000 euros neste obradoiro, que forma a 20 alumnos-traballadores en dous módulos: Operacións auxiliares de albanelería de fábricas e cubertas (10 alumnos) e Actividades auxiliares en viveiros, xardíns e centros de xardinaría (10 alumnos).

Pardo destacou que unha das prioridades do Goberno galego é impulsar a formación para que as persoas desempregadas e traballadoras teñan maiores e mellores capacidades para acceder a un emprego estable e de calidade. Esta prioridade, segundo o delegado, reflíctese nos novos Orzamentos 25.

O delegado territorial sinalou a tripla dimensión dos obradoiros duais de emprego: mellora da empregabilidade dos participantes mediante formación teórica e práctica; desenvolvemento de actuacións de mellora en espazos públicos e prestación de servizos de interese xeral e social; e colaboración cos concellos para incrementar o emprego.

Pardo subliñou a importancia destas medidas, xa que, ademais de formar persoas con dificultades de inserción laboral nun traballo público remunerado, permiten obter un certificado de profesionalidade e adquirir ferramentas para reforzar as habilidades e competencias necesarias para o mercado laboral.

Actuacións do Obradoiro de Emprego ‘Couto Mixto III’

Concello de Baltar:

• Rehabilitación de fornos en Baltar, Aldea e Barrio en Boullosa.
• Restauración do lavadoiro de Meaus e dos fornos de Montecelo, Bouzo, Sabucedo e Tixós.
• Limpeza, debruce e plantación de árbores e arbustos no centro médico de Baltar.

Concello dos Blancos:

• Arranxo das áreas recreativas de Anguís, Nocedo e Covelas.
• Acondicionamento da escola en Fontarcada e do edificio multiusos Os Blancos.

Concello de Calvos de Randín:

• Restauración de muros en Castelaus, Feas e Serois.
• Debruce e plantación de céspede no parque infantil e no exterior do velorio de Randín.
• Traballos de xardinaría no parque da Peneda, na casa Cortés e no concello.

Saber máis · Descubre A Limia Baltar 849 habitantes · 7 parroquias Coñecer o concello →