Un incendio que comezou este xoves ao mediodía en Calvos de Randín arrasou máis de 140 hectáreas e chegou ata o núcleo de As Meaus, en Baltar, onde a Xunta declarou a Situación 2 polo perigo de que o lume ameace as casas.
O lume comezou ás 13:36 horas na parroquia de Randín. Aínda que o incendio está en zonas de difícil acceso e ameaza varias aldeas, o alcalde de Baltar, José Antonio Feijoo, afirmou que polo momento non foi necesario evacuar a ningún veciño grazia ao gran número de medios e á dirección do vento.
Os medios que traballan no incendio son:
- 8 helicópteros e 9 avións da Consellería do Medio Rural.
- 5 avións e 2 brigadas do Ministerio para a Transición Ecológica.
- Equipos de Protección Civil e a brigada municipal de Baltar.
