A xuíza non deu credibilidade á versión do acusado, Miguel Villar, quen tamén alegou que os axentes o coaccionaran para que admitise ter bebido. Como consecuencia, impúxolle unha multa e a retirada do carné de conducir por máis dun ano.
O accidente produciuse o 16 de febreiro de 2025, mentres circulaba pola A-52, no quilómetro 206. O vehículo saíuse da vía polo carril dereito e caeu na mediana. Axentes da Garda Civil interviron no suceso.
