O frío intenso regresou esta madrugada a Galicia con temperaturas baixo cero en varios puntos de Ourense e Pontevedra, marcando Calvos de Randín a mínima máis baixa da comunidade.
Segundo os datos de Meteogalicia, estes foron os rexistros máis fríos desta madrugada:
- Calvos de Randín: -5,4ºC (ás 05:40 horas).
- Xinzo de Limia: -2,3ºC (ás 05:50 horas).
- Lalín: -1,3ºC.
- Baltar: -1,1ºC.
- Verín: -0,8ºC.
Para o resto da xornada deste martes, espérase a chegada dun fronte frío que traerá ceos cubertos e chuvias débiles, máis frecuentes cara á noite. As temperaturas máximas oscilarán entre os 16ºC de Lugo e Santiago e os 20ºC de Ourense. O mércores prevese un lixeiro ascenso das temperaturas mínimas.
