O territorio da Limia e o Arnoia estrea a páxina web 25motivos.gal, un portal que concentra nun só sitio toda a información turística e cultural de 25 municipios ourensáns.
A plataforma ten como obxectivo facilitar que veciños e visitantes atopen nun clic actividades, patrimonio e natureza da zona. Entre as súas funcións principais destaca un calendario de eventos actualizado con festas, concertos, rutas e xornadas culturais.
A web ofrece un espazo propio para cada un dos 25 concellos adheridos:
- A Bola, Allariz, Baltar, Bande, Baños de Molgas e Os Blancos.
- Calvos de Randín, Celanova, Entrimo, Lobeira, Lobios e Maceda.
- Muíños, Porqueira, Quintela de Leirado, Rairiz de Veiga, Sandiás e Sarreaus.
- Taboadela, Trasmiras, Verea, Vilar de Barrio, Vilar de Santos, Xinzo de Limia e Xunqueira de Ambía.
Ademais das axendas, a páxina permite consultar información detallada sobre zonas de baño, gastronomía e tradicións, como a Romería da Saínza ou o Entroido de Xinzo, facilitando a organización de visitas ou actividades pola comarca.
