O Concello de Sandiás busca aos propietarios dun potro que quedou orfo tras un accidente
O Concello de Sandiás abriu un procedemento para localizar aos donos dun potro que sobreviviu a un accidente ocorrido o pasado 7 de abril ás 23:15 horas, no cual morreron os dous caballos adultos.
Debido a que o animal non presenta ningunha identificación, os servizos municipais recollérono e atópase actualmente baixo o seu control en dependencias habilitadas polo consistorio.
A administración local estableceu un prazo de 48 horas para que os posibles propietarios acrediten a titularidade do animal. Quen o reclame deberá asumir os custos de recollida, o seu mantemento e calquera dano asociado ao incidente. No caso de que ninguén se manifeste, o Concello decidirá o destino do potro conforme á normativa de benestar animal vixente.
Finalmente, o consistorio recorda que a presenza de animais na vía pública sen a debida identificación constitúe unha infracción da lexislación autonómica de sanidade e benestar animal, polo que poderá acarrear sancións.
