O xoves 7 de maio, a Asociación Española Contra o Cancro (AECC) leva a cabo unha nova edición da Cuestación, unha xornada solidaria destinada a recadarl fondos para impulsar a investigación oncológica e reforzar a atención integral a pacientes e familias.
Bajo o lema “Cando paras, movémonos contra o cancro”, a entidade busca alcanzar o obxectivo de que a supervivencia desta enfermidade chegue ao 70% no ano 2030. Para iso, mobilizará a pacientes, voluntarios e socios en máis de 20 mesas solidarias repartidas pola provincia de Ourense, con presenza en municipios como Xinzo de Limia, Verín, Ribadavia, O Barco de Valdeorras, Celanova, Petín, O Bolo, Vilardevós e A Gudiña, entre outros.
Contexto e impacto
A AECC subliña a gravidade do cancro como o principal problema sociosanitario global, destacando que 1 de cada 2 homes e 1 de cada 3 mulleres padecerán a enfermidade ao longo da súa vida. Os presidentes da entidade, Ramón Reyes (estatal) e Germán Rodríguez-Saá (Ourense), recalcaron a importancia da colaboración cidadá para dar unha resposta colectiva a este problema.
Inversión e servizos
- Investigación: A asociación xestiona a maior rede de investigación oncológica de España, con 157 millóns de euros destinados a 792 proxectos. Só na provincia de Ourense, investiu máis de 125.600 euros durante 2025.
- Atención ao paciente: Ofrecen servizos gratuítos de apoio psicolóxico, social, axudas económicas, atención domiciliaria e programas de prevención. No ano 2025, atenderon a máis de 600 persoas na provincia de Ourense.
A entidade pon á disposición dos pacientes e familiares o teléfono gratuito 900 100 036, operativo as 24 horas durante todo o ano.
