A vila de Xinzo de Limia xa ten todo en marcha para celebrar a XXVI Festa do Esquecemento os días 21, 22 e 23 de agosto. Estes días trabállase a pleno ritmo no montaxe do campamento galaico-romano para recibir aos milleiros de visitantes que se esperan.
Esta edición, organizada polo Concello e a asociación Civitas Limicorum, destaca polo seu gran volume de propostas:
- Máis de 50 actividades totalmente gratuítas.
- Participación de 54 grupos, con 13 tropas chegadas do estranxeiro.
- Programación musical con 12 grupos convidados.
A festa está pensada para todo tipo de público, con especial atención ás familias, que terán propostas adaptadas para todas as idades ao longo da fin de semana. Para garantir que todo transcorra sen problemas, o Concello xa ten activados os dispositivos especiais de seguridade e limpeza.
