A III Concentración Nacional de Vestales, organizada pola A.C. Civitas Limicorum en colaboración co Concello de Xinzo de Limia, celebrouse con éxito, consolidándose como un evento clave para o calendario cultural de A Limia.
A cita reuniu a agrupacións de recreacionismo histórico romano procedentes de Astorga, Lugo e Mérida. A programación combinou desfiles, danzas e espectáculos de lume, incorporando ademais, de forma inédita, unha zona de xogos infantís para fomentar a participación das familias e atraer aos máis pequenos.
O evento destacou pola súa integración comunitaria, especialmente durante o peche da xornada co lanzamento de farolillos, unha actividade aberta por primeira vez a todos os asistentes que permitiu a participación popular mediante a formulación de desexos.
O eixe central de toda a celebración foi a reivindicación e a puesta en valor da figura da muller na antiga Roma, cumplindo así co obxectivo histórico e cultural que a Civitas Limicorum promove desde as primeiras edicións desta concentración.
