O Concello de Xinzo de Limia anunciou unha serie de cortes de tráfico na travesía da N-525 debido aos traballos de execución de aglomerado impreso e asfaltado que se están a realizar na localidade. As afectacións desenvolveránse desde o sábado 30 de maio ata o venres 5 de xuño, divididas en dúas fases:
- Fin de semana do 30 e 31 de maio: Corte no tramo á altura da Praza Maior para realizar tarefas de aglomerado impreso.
-
Do 1 ao 5 de xuño: Ampliación dos cortes en dous puntos:
- Peche da Plataforma Elevada do Pombal para rematar o aglomerado impreso.
- Peche do tramo entre a rotonda do Pombal e a rotonda da A-52 para completar o asfaltado do sector.
Ante estas obras, a institución municipal solicita á cidadanía que planifique os seus desprazamentos con antelación e que respecte estritamente a sinalización provisional instalada nas vías afectadas.
