O presidente do Parlamento de Galicia, Miguel Ángel Santalices Vieira, recibiu a distinción de fillo adoptivo do Concello de Muíños nun acto que destacou a súa profunda vinculación coa comarca da Baixa Limia e a súa vocación de servizo público.
Durante a súa intervención, Santalices reivindicou o valor social e profesional da medicina rural e subliñou o orgullo que sente polo seu orixe en Bande, sinalando que os valores aprendidos na súa terra e na súa familia son os que guían o seu percorrido profesional e político.
O presidente da Deputación de Ourense, Luis Menor, eloxiu a figura do homenaxeado, calificándoo como unha das persoas máis respectadas e solventes da comunidade autónoma. Menor destacou a capacidade de Santalices para liderar o Parlamento galego sen perder a perspectiva da realidade local, defendendo sempre a importancia de manter os servizos básicos, como os centros de saúde e as infraestruturas, nas comarcas rurais.
O acto contou co acompañamento do alcalde de Muíños, Plácido Álvarez, e a laudatio foi ofrecida pola presidenta do Celta de Vigo, Marián Mouriño.
