ADEGAL REÚNESE CON ELVIRA LAMA

Na tarde de onte, 24 de xuño,  ADEGAL, Asociación de Empresarios, Gandeiros e Agricultores da Limia, entidade cuios fins principais son a representación, a reivindicación, a defensa e a xestión dos intereses de agricultores, gandeiros e empresarios a nivel profesional, económico e social na comarca da Limia, mantivo unha reunión con Elvira Lama, Deputada do PSOE na Deputación de Ourense.
Abordáronse problemáticas e reivindicacións constantes e eternas na comarca, como son  a limpeza de canles, mantemento de pistas de concentración parcelaria e punto de acopio de residuos agrogandeiros, ó que se lle dará traslado e posta en coñecemento á Confederación Hidrográfica Miño-Sil nas súas competencias, así coma o Ministerio de Agricultura, demandando todas as posibles inversións na bisbarra.
A Limia é unha comarca cun gran potencial agrogandeiro, e como tal, as Administracións débense implicar e coordinar, potenciar e protexer a actividade de todas as explotacións agrícolas e gandeiras existentes, así como facilitar as ampliacións e o relevo xeneracional.