O venres 2 de maio de 2025, a Academia Galespace acollerá un taller didáctico sobre o xogo romano do muíño, dirixido a nenos e mozos. A actividade está organizada pola Asociación Cultural Civitas Limicorum en colaboración coa academia.
Este taller forma parte dun proxecto máis amplo desenvolvido nos CEIP Carlos Casares e Rosalía de Castro de Xinzo, onde o alumnado aprendeu sobre a historia e aplicacións educativas deste xogo.
O proxecto culminará cunha final intermunicipal o sábado 21 de xuño en Xinzo, na que participarán os alumnos de Xinzo e os do Arde Lucus (Lugo). Este evento simboliza a colaboración entre a Festa do Esquecemento e o Arde Lucus.
