A Charanga Barullo, formada o pasado mes de marzo, consolidouse este verán como unha das agrupacións máis activas da provincia de Ourense tras completar as súas primeiras nove actuacións.
O grupo está composto por nove mozos vencellados maioritariamente á Agrupación Musical da Limia. Aínda que a maioría dos integrantes rolda os vinte anos e combina os estudos con esta afección, contan coa experiencia do seu director, o músico e docente de Ribadavia José Luis Tielas Santiago.
Os integrantes do grupo son:
- Trompetas: Hío Iglesias Argüelles e Manuel Airabella Monteiro.
- Trombón: Judá Vázquez Fernández.
- Saxofóns: Iván Pérez Luis (alto), José Luis Tielas Santiago (alto) e Antón Dorrío Castro (tenor).
- Tuba: Nicolás Cid Lordi.
- Percusión: Iker Tesouro Morello (caixa) e Saúl Nogueiras Feijoo (bombo).
A formación destaca por adaptar temas de actualidade ao seu propio estilo, ensaiando de xeito constante para ofrecer un repertorio dinámico. Tras un debut exitoso, a charanga ten marcados dous obxectivos principais para os vindeiros meses: estrearse no Entroido e participar en festivais de charangas para seguir mellorando.
