A gran gala de clausura do programa Escolas Abertas en Xinzo de Limia contou con 81 mestres de baile tradicional galego e coa actuación especial do grupo musical Pelepau, que trouxo a súa enerxía e talento ao escenario, garantindo un espectáculo musical vibrante e emocionante.
A gala contou cos participantes dos obradoiros de baile tradicional galego, canto popular e pandeireta, gaita tradicional galega, percusión tradicional galega e confección de traxe tradicional galego, que amosaron todo o aprendido durante estes cursos de especialización. Estes participantes, procedentes de diversas entidades galegas do exterior, traballaron arreo para perfeccionar as súas habilidades e promover a cultura galega nos seus países.
Importancia
O secretario xeral da Emigración, Antonio Rodríguez Miranda, destacou a importancia destes obradoiros, que permiten os formadores do exterior adquirir coñecementos especializados para transmitir a riqueza da cultura galega. A Gran Gala foi un peche de ouro para esta edición do programa, que logrou fortalecer os lazos culturais entre Galicia e as comunidades galegas no estranxeiro.
A actuación de Pelepau foi o punto culminante da noite, ofrecendo unha mestura de música tradicional galega con toques contemporáneos que fixeron vibrar a todos os asistentes. A súa presenza foi unha oportunidade única para gozar dun dos mellores grupos musicais do panorama galego actual.
Xinzo de Limia disfrutou dunha verdadeira celebración da música, da danza e das tradicións galegas, demostrando unha vez máis que a cultura galega se promove e se transmite de xeración en xeración.
