A Biblioteca Pública Antelana de Xinzo de Limia acolleu unha sesión de contacontos inspirada na obra “O bosque animado”, de Wenceslao Fernández Flórez. A actividade contou coa participación de arredor de cincuenta alumnos e alumnas do CEIP Rosalía de Castro e foi escenificada polos voluntarios da biblioteca, Eduin Arias Ruiz e Alejandra Gómez Gómez.
O obxectivo desta iniciativa foi fomentar a imaxinación, o interese pola lectura e a interacción dos máis pequenos coa literatura galega mediante a narración oral e a interpretación escénica.
Esta sesión, xunto á presentación previa do libro “Queda moito por sachar” de Xosé Manuel del Caño, pecha o ciclo de actividades organizadas pola Concellería de Cultura de Xinzo de Limia para conmemorar as Letras Galegas 2026. Desde a administración local agradecieron a colaboración da bibliotecaria, o equipo de voluntariado, o profesorado e o alumnado pola súa implicación no fomento da cultura e a lectura.
