O BNG denuncia o abandono de Trasmiras tras as tormentas
O Bloque Nacionalista Galego (BNG) reuniuse en Trasmiras para denunciar a falta de respaldo das administracións local, autonómica e estatal diante dos danos causados polos temporais deste ano.
A portavoz local do BNG, María do Mar, alertou sobre a inactividade do goberno municipal ao non solicitar as liñas de axuda anunciadas en Febreiro para a reparación de pistas. Segundo a representante, mentres outros concellos agardan que o Estado abone o 50% das axudas solicitadas, o Concello de Trasmiras non presentou ningunha solicitude, polo que calificou de «contraditorias» as queixas do goberno local cara ao Goberno central.
Por súa parte, o portavoz provincial do BNG, Bernardo Varela, criticou que cinco meses despois da catástrofe aínda non exista unha resposta efectiva. Varela lembrou que os danos avaliados nos concellos superan os 16 millóns de euros e lamentou a falta de financiación por parte do Estado.
En resposta a estas acusacións, o regidor de Trasmiras, Emilio Pazos, xustificou a non solicitude destas axudas alegando que a prioridade do Concello é conseguir a financiación para outras obras urxentes, como a execución do cuartel, a residencia e o novo cementerio. Así mesmo, defendeu a xestión municipal asegurando que se realizaron as labores necesarias de limpeza e reparación de estradas e cunetas durante o inverno e o verán.
