Gonzalo Iglesias Sueiro, exalcalde socialista da vila e compañeiro de partido, será nomeada como Fillo Adoptivo do concello este sábado, ás 11,30 horas, no salón de actos da Casa da Cultura limiá.
Os socialistas ourensáns destacan a “inestimable contribución de Iglesias Sueiro ao mesmo ao longo de moitos anos”. A secretaria xeral da agrupación, Natalia González, engadiu que Sueiro “chegou a acordos nos tempos de confrontación e crispación actuais, exemplo do que a concordia e o diálogo aportan á política”.
Exemplo disto é, en opinión da agrupación socialista, o feito de que “o recoñecemento á súa exemplar traxectoria como alcalde e edil da vila foi unha iniciativa que obtivo o respaldo de tódolos grupos con representación”.
Máis alá do seu labor político, o PSdeG tamén quixo lembrar “a contribución que durante a súa carreira profesional realizou ao ensino público como mestre en diversos centros e como delegado provincial de Educación, outro dos seus sinais de identidade e defensa do noso partido”.
Por todo o exposto, dende a Comisión Executiva socialista “sumámonos ao recoñecemento público dunha figura que tanto aportou e aporta ao avance e desenvolvemento de Ourense, e do que subliñamos a súa capacidade de servizo público”.
