Máis de 50 persoas participaron este 25 de xullo nun vermú político organizado polo BNG de Xinzo na Torre de Pena para reivindicar a memoria e o futuro da Limia.
A xornada, presentada por Manuel Pozo, combinou a historia e a defensa do territorio a través de varias intervencións:
- Manolo Seoane: Explicou o pasado medieval e a importancia estratéxica da Torre de Pena, clave nas loitas nobiliarias da comarca.
- Samuel Formoso: Advertiu sobre as ameazas aos recursos naturais da Limia, especialmente a auga, e apostou por un desenvolvemento que sexa sustentable.
- Anxo Suárez: Reivindicou a importancia de coñecer a nosa historia, dende a memoria popular do desaugue da lagoa ata os nomes tradicionais dos nosos terreos.
O portavoz nacionalista, Camilo Vila, denunciou o estado de abandono no que se atopa actualmente a contorna da Torre. Pola súa banda, Mirian Opazo pechou o acto facendo un chamamento á participación cidadá para construír unha sociedade máis xusta e comprometida coa paz.
Antes deste acto, o Concello de Xinzo realizou a súa tradicional ofrenda floral no Parque de Galicia para conmemorar o Día da Patria.
