A Denominación de Orixe Monterrei participou no evento «Vinos y Viños. Tegueste y Galicia se encuentran», organizado polo Concello de Tegueste e AVITE no Mercadillo do Agricultor.
O obxectivo foi mostrar a excelencia dos viños de Monterrei xunto con outras D.O. canarias (Arona e Valle de Güímar) e galegas, ademais de Augardentes e Licores Tradicionales de Galicia. Persoal do Consello Regulador acompañou a iniciativa.
O encontro contou coa colaboración do Goberno de Canarias e GMR Canarias, e busca dinamizar e promocionar o sector agroalimentario, compartindo experiencias entre territorios con identidade vitivinícola propia.
A D.O. Monterrei abrangue os municipios de Verín, Monterrei, Vilardevós, Riós, Oímbra, Castrelo do Val, Laza e Cualedro, con 29 bodegas e 798,10 hectáreas de viñedo.
