Estudantes do IES Lagoa de Antela participan no Parlamento Xove
Catro alumnos de 4º da ESO do IES Lagoa de Antela, de Xinzo de Limia —Candela, Carlos, Nerea e Rodrigo— participaron os días 11 e 12 de xuño no programa de debate Parlamento Xove, unha iniciativa da Xunta de Galicia.
Tras clasificarse na primeira rolda celebrada en febreiro no Carballiño, o grupo competiu nos cuartos de final no Albergue de Gandarío (Sada) contra o CPR Santiago Apóstolo. O tema central do debate foi a necesidade ou non de eliminar o anonimato nas redes sociais.
O certame culminou o venres 12 de xuño nas instalacións do Parlamento de Galicia, onde se disputaron as semifinais e a final desta edición.
