Ricardo e José Antonio, voluntarios do CDR O Viso, están a realizar un curso de xestión de almacén para mellorar a organización dos alimentos que recibe a entidade.
Esta formación permítelles adquirir os coñecementos necesarios para recibir, rexistrar e organizar as doazóns de xeito máis eficiente. Deste xeito, os alimentos chegan de forma máis ordenada ás familias e persoas que os necesitan.
A iniciativa forma parte do proxecto «Voluntariado: implícate na túa comunidade», financiado pola Xunta de Galicia a través da asignación do 0,7 % do IRPF. O obxectivo desta formación é:
- Mellorar a autonomía e seguridade das persoas voluntarias nas súas tarefas.
- Garantir unha distribución eficiente dos recursos básicos.
- Promover a participación social e o compromiso cos veciños e veciñas.
