O Concello de Xinzo de Limia comeza este xoves, 10 de setembro, os traballos de asfaltado en seis rúas do municipio para mellorar a seguridade viaria.
As obras de mellora do firme realizaranse por fases e afectarán ás seguintes zonas:
- Primeira fase: Travesía do Bouzo e Avenida de Portugal (tramo entre a Avenida de Madrid e a pista da Armada).
- Segunda fase: Rúa Dous de Maio (da Avenida de Madrid ao Toural), rúa Toural e rúa Alexandre Bóveda.
- Intervención independente: Camiño do Regueiro, financiada con fondos propios do Concello.
Mentres duren os traballos, haberá cortes de tráfico e prohibirase estacionar nos tramos afectados. O goberno local pide á veciñanza que estea atenta á sinalización provisional e pide disculpas polas molestias que poidan causar estas obras.
