Esta semana, unha delegación de Grupos de Desenvolvemento Rural (GDR) e responsables da xestión agrogandeira da Generalitat de Cataluña visitan Galicia co obxectivo de intercambiar experiencias sobre o relevo xeracional no sector agrario e a mobilización de terras, explotacións e vivendas para fomentar o regreso ao medio rural.
Este encontro desenvolveuse no marco do proxecto “Nó Rural”, liderado por Seitura 22 en colaboración con varios GDR galegos (Limia-Arnoia, Terra Chá, Galicia Suroeste Eu Rural, Montes e Vales Orientais e Mariñas-Betanzos).
Programación da visita técnica
- Mércores: A visita arrinca en Allariz coa presentación do «Proxecto Allariz como modelo de desenvolvemento rural» e unha rolda de presentacións dos distintos GDR participantes.
- Xoves: Desenvolsense as xornadas «O relevo no sector agrario entre Galicia e Cataluña» en Sandiás (Casa da Lagoa da Antela). A xornada inclúe a presentación do proxecto Aterra, o debate sobre o contexto actual e os testemuños en primeira persoa de mozos emprendedores (Melani Araújo, Breogán Prieto, Abel Sotelo e Borja Campelo). Pola tarde, realizarase unha visita técnica á comarca para observar o modelo produtivo e a paisaxe.
- Venres: A actividade continúa na Casa da Cultura de Sandiás. Centrarase na estratexia de relevo xeracional en Cataluña (presentada por responsables do DARPA da Generalitat), o proxecto de cooperación «Nó Rural», a Escola de Pastores da Limia e as iniciativas impulsaas pola Xunta de Galicia, a Universidade de Santiago e o Sindicato Labrego Galego.
Obxectivos e impacto
O intercambio busca identificar oportunidades de cooperación entre Galicia e Cataluña para mellorar o acompañamento aos mozos que se incorporan ao agro, facilitar o acceso ás terras e optimizar os procesos de transmisión de explotacións, contribuendo así ao desenvolvemento sostible do mundo rural nos dous territorios.
