O programa de Apoio e Formación Integral a Familias Coidadoras no Rural conclúíos as súas sesións formativas, unha iniciativa promovida polo CDR O Viso en colaboración co Concello de Trasmiras. O obxectivo principal foi dotar as persoas coidadoras de ferramentas prácticas e crear espazos de encontro para fortalecer as redes de apoio entre elas.
Durante as xornadas, abordáronse temas fundamentais para o coidado diario, entre os que destacan:
- Coñecemento de demencias e enfermidades dexenerativas.
- Prevención de caídas e seguridade no fogar.
- Mobilización de persoas dependentes e uso de produtos de apoio.
- Xestión emocional e a importancia do autocoidado.
A actividade contou co acompañamento profesional do equipo do CDR O Viso, integrando a labor da psicóloga Sarai Bohórquez, a terapeuta ocupacional Laura Sáez e a traballadora social Tania Feijoo. Estas sesións non só permitiron a adquisición de coñecementos técnicos, senón que serviron para visibilizar o papel das persoas coidadoras e ofrecerlles un espazo de escoita e compartición de experiencias.
Este programa está financiado pola Consellería de Política Social e Igualdade da Xunta de Galicia, a través da subvención para a implantación de programas de interese social con cargo á asignación tributaria do 0,7% do IRPF.
