O venres, os preinfantil 2011 perderon na semifinal contra o Blanco Amor, polo que non se puideron clasificar para a final deste domingo. Este foi o ultimo partido de Alex Traveso, selección galega infantil, selección galega Mini, que foi convocado pola Federación Española.
Alex Traveso dará un paso adiante na súa formación baloncestística e a vindeira tempada xogará no Club Obradoiro (Santiago)
O sábado xogouse o último partido da tempada para os seniors, que xogaron en vigo nun partido sen transcendencia xa que tiñan o 6º posto asegurado, aínda que a semana que ven xogarán outra xornada, iso non variará esta posición. O 6º lugar daralles unha praza, outro ano mais, na segunda división.
Xa para rematar o domingo foi a entrega de medallas da Copa Deputación , para as categorias infantil e cadetes junior, onde as Junior Feminino recolleron a súa medalla e copa como subcampeoas de Copa Deputación 2024, case un mes despois de xogar a final.
Ademáis de todo isto, este fin de semana de remate de tempada oficial, seis futuros adestradores do Club A.B.Xinzo están sacándose o título de adestrador/adestradora no Paco Paz. Eles son: Brandan, Carlos, Cris, Jorge, Lucía e Luís. Porque dende o A.B.Xinzo queren seguir crecendo, para que o club medre teñen que ter adestradores e niso están traballando.
Para a vindeira semana, a axenda volve estar completa, terán o Clinic de adestradores , o Torneo Vilas e o Campus de fin de Tempada, ademais de moitas outras cousas que terán lugar ao longo do verán.
