As aldeas de Escornabois e Vilariño das Poldras celebraron o Día da Muller Rural lembrando a resistencia das veciñas que, no pasado, desafiaron as normas sociais da súa época.
A xornada serviu para poñer en valor a loita destas mulleres, que foron pioneiras na defensa dos seus dereitos en dous momentos clave da nosa historia local:
- Escornabois (1952): As veciñas mobilizáronse para defender o monte comunal.
- Vilariño das Poldras: As mulleres reivindicaron o dereito a vestir pantalóns, desafiando a presión social e as normas de vestimenta da época.
Este acto forma parte do programa DELAS, que está financiado pola Consellería de Política Social e Igualdade da Xunta de Galicia a través da asignación do 0,7 % do IRPF. O obxectivo principal foi visibilizar o traballo tradicionalmente invisible das mulleres rurais e animar ás novas xeracións a non retroceder nos dereitos acadados.
