A asociación Algaria (Asociación de Persoas con Discapacidade da Comarca de A Limia) organiza a cuarta edición do torneo de xadrez “Xaque ó Emérito”, un evento que promove a igualdade, a inclusión e o pensamento estratéxico. O certame terá lugar o vindeiro sábado 27 de xuño, ás 15:30 horas, na Casa da Cultura de Xinzo de Limia.
O torneo está aberto a persoas de todas as idades e divídese en dúas categorías:
- Infantil: a partir dos 6 anos.
- Adultos.
Premios
As tres primeiras posicións de cada categoría recibirán un trofeo e un vale para usar en comercios asociados a Prolimia:
- 1º posto: Vale de 200 €.
- 2º posto: Vale de 100 €.
- 3º posto: Vale de 50 €.
Inscrición e información
Para participar, é necesario realizar un donativo con fins sociais de 5 € para adultos e 3 € para menores. O prazo para inscribirse remata o 25 de xuño. Para máis información ou para anotarse, poden contactar co teléfono 648 678 515.
