O Concello de Vilar de Santos organiza A Lenda de Saa. Os asistentes deben presentarse puntuais na praza do Concello para comezar a actividade e seguir as normas de seguridade marcadas pola organización.
Para garantir que todo saia ben, debes ter en conta estas instrucións:
- Puntualidade: chega á hora que teñas asignada na túa quenda á praza do Concello.
- Acompañantes: os menores de 14 anos deben ir sempre cun adulto.
- Grupos: é obrigatorio ir sempre xunto ao resto do grupo e seguir en todo momento as indicacións dos guías.
- Luces: está prohibido usar lanternas ou calquera obxecto que emita luz.
O desenvolvemento da xornada será o seguinte:
- Saída: aparca o teu coche na praza do Concello. De alí, a organización acompañaravos a pé ata o cemiterio, onde empeza o percorrido.
- Fin da actividade: ao rematar, haberá unha merenda para todos os participantes.
- Regreso: poderás volver á praza do Concello a pé ou nos vehículos que porá o Concello á disposición dos asistentes.
