Os xuvenís, na Gala do Deporte 2024

Unha delegación do Antela F.C. encabezada polo presidente, Pablo Losada, acompañou onte aos integrantes do equipo xuvenil da tempada pasada e da actual na Gala do Deporte 2024 de Xinzo de Limia que se celebrou no Pavillón de Deportes, organizada pola Concellería de Deportes. Os futbolistas xuvenís do Antela subiron ao escenario, co seu adestrador, Juan Forri, como nominados ao premio na categoría de Mellor Equipo de Base.
O galardón recaeu finalmente no equipo de fútbol infantil das Escolas Deportivas do Concello de Xinzo de Limia. Futbolistas, adestradores e directivos do Antela compartiron despois da Gala uns petiscos no bar La Paloma, no Polígono, no penúltimo acto que celebrará o club antes de fin de ano. Dentro da actividade social do Antela F.C., está previsto para o próximo sábado, día 28, un partido de nais e pais, técnicos e xogadores dos xuvenís, ademais de directivos a disputar no Fernández Carrera.
ACTIVIDADE DO XUVENIL