Distincións aos xogadores máis destacados do Antela, recoñecidos pola afección e homenaxeados coa arte de Xosé Lois Carreira.
BRUNO PÍO (setembro), XABI LAMAS (outubro), JORGINHO (novembro), ÁLEX BOÁN (decembro), ANTÓN (xaneiro-febreiro) e CARLOS (marzo) recibiron o debuxo do escultor limiao Xosé Lois Carreira que os distingue como Xogador do Mes, en cada un dos períodos nos que a afección tivo ocasión de sinalar ao seu favorito.
O propio Xosé Lois Carreira, xunto co exconcelleiro de Deportes, Rafa Penabad, e os directivos Pablo Losada (presidente) e Juan Gómez (vicepresidente) foron os encargados de entregar os premios. A actual concelleira de Deportes, Cristina Campero, desculpou no último momento a súa presencia no acto.
GALERÍA
O meta Bruno Pío, co Carreira e o Juan Gómez.
Xabi Lamas, co Carreira e o Penabad.
Jorginho, xogador de outubro, co Carreira e o Pablo Losada, presidente do Antela.
Álex Boán, último distinguido do ano 2024, cos directivos do club.
Os premiados en 2025: Antón, no período xaneiro-febreiro.
Carlos regresou en decembro ao Antela e foi o elixido no mes de marzo.
